اسلام آباد۔18اکتوبر (اے پی پی) وزیرمملکت برائے پٹرولیم مصدق ملک آکھیا جو عمران خان اداریاں تے تنقید وی کریندے اتے انہاں توں معافیاں وی منڳدے۔ امریکہ اچ جوہری توانائی دے مخالف کوں آپݨا لابسٹ رکھیا ہوئے، فارن فنڈنگ اتے غیر قانونی پیسہ پاکستان مخالف ایجنڈے کیتے استعمال کیتا ویندا پے، پی ٹی آئی دے کارکن ریاست اتے اداریاں دےخلاف مارچ دا حصہ کائنا ٻݨسن ، حکومت گیس دے ݙو ودھ کارگوز دا انتظام کر ڳھدے۔ گزریل سال دی نسبت ایں سال سردیاں اچ گیس دی صورتحال بہتر ہوسی۔ سرکاری کمپنیاں عوام کوں ایل پی جی سلنڈرز وچیسن۔ وزیراعظم توانائی دے شعبے اچ خودکفالت کیتے جلدی وݙے پروگرام دا اعلان کریسن۔ اے ڳالھیں انہاں منگل کوں پریس کانفرنس کریندیں ہوئیں آکھی۔ مصدق ملک آکھیا جو امریکی صدر پاکستان دی ایٹمی تنصیبات بارے ہک بیان ݙتے اتے انہاں دا بیان عمران خان دی زبان ہئی جئیں امریکی حکام نال تعلقات بہتر کرݨ کیتے ہک فرم دی خدمات ڳھدی ہوئن اتے اونکوں سالانہ کروڑاں ڈالر ݙتے ویندے پن۔ ڈیوڈ فینٹن جوہری پروگرام اتے پاکستان دے نیوکلیئر پروگرام دا مخالف اے ، عمران خان اتے پی ٹی آئی اڄ تئیں فرم ہائر کرݨ دی تردید کائنی کیتی۔ انہاں آکھیا جو مسلم لیگ(ن) ، اوندی قیادت اتے ملک دے خلاف ویڈیو، نیٹ فلیکس نال جوڑ تے چلائی ڳی اے اوں وی ایں ویڈیو نال لاتعلی دا اظہار کیتے۔ سوال پیدا تھیندے جو ملک ریاض، عارف نقوی، کرکٹ کلب اتےہندوستانی شہری ولوݨ ملݨ آلے پیسے کتھاں خرچ تھیندے پن۔
.jpg)
