اسلام آباد۔12مارچ (اے پی پی):وفاقی وزیر منصوبہ بندی، ترقی ، اصلاحات وخصوصی اقدامات احسن اقبال آکھیے جو پاکستان کوں پائیدار ترقی یافتہ ملک بݨاوݨ سانڳے ٹھوس اقدامات کریسوں ، آندے پنج سال اچ ترقی دا سنگ بنیاد رکھیسوں ،سیاست سانڳے انتشار کھنڈاوݨ دی اجازت نہ ݙتی ویسی ۔ اے ڳالھ انہاں منڳل کوں پریس کانفرنس توں خطاب اچ آکھی اے ۔وفاقی وزیر آکھیے جو سیاسی استحکام دے بغیر ترقی ممکن کائنی،اللہ دا شکر ادا کرینداں ، میں سانڳے اعزاز دی ڳالھ اے جو چوتھی واری منصوبہ بندی دا وزیر بݨیاں ،ہر واری ایں وزارت اچ کم کیتے تاں سیاسی عدم استحکام منصوبیں کوں ضیان پڄائے ،سیاسی استحکام تے پالیساں دے تسلسل تئیں اساں ترقی نی کرسڳدے ،چین بنگلہ دیش، انڈیا تے ترکی اچ سیاسی استحکام اہم کردار ادا کیتے۔احسن اقبال آکھیے پاکستان کوں پائیدار ترقی یافتہ ملک بݨاوݨ سانڳے ٹھوس اقدامات کریسوں جیں توں نوکریاں پیدا تھیسن ،پیداوار دے او ذرائع جیڑھے مضبوط سمجھیے ویندے ہن انہاں دی جاہ ٹیکنالوجی دے شعبیں گھن ڳھدی اے ، اساں چین دا سی پیک تے اعتماد ول حاصل کیتے ۔انہاں آکھیے پنشن، دفاعی بجٹ دی وجہ توں ساݙا بجٹ قرضیں تے چلدا پئے ۔ اساں مزید قرضے گھن تے خرچے کریندے پیوں جیڑھے قابل قبول کائنی،قرضے بھرݨ سانڳے پیداواری صلاحیتاں اچ ودھارا تھیسی ۔پاکستان دی ترقی دے تقاضیں کوں پورا کریسوں ، حکومتی خرچے اچ کفایت شعاری کریسوں ،ملکی معیشت تے ساریں توں وݙا ٻوجھ قرضیں دا اے ، صرف پنشن دا ٻوجھ 800ارب دا اے۔
.jpg)
