اسلام آباد ۔ 30 جنوری (اے پی پی) وزیراعظم عمران خان آکھیے جو ایف بی آر اچ اصلاحات حکومت دے اصلاحاتی ایجنڈے دا اہم حصہ اے،ایف بی آروڈے ٹیکس چوراں توں ٹیکس ریکوری اتے نان فائلرز کوں ٹیکس نیٹ اچ گھن آونڑ کیتے خصوصی توجہ ڈیوے۔ اے گالھ انہاں فیڈرل بورڈ آف ریونیو اچ اصلاحات بارے اجلاس دی صدارت کریندے آکھی۔ انہاں آکھیا جو ماضی اچ عوام اتے خصوصاً بزنس کمیونٹی کو ںٹیکس حکام ولوں ہراساں کرنڑ، ٹیکس وصولیاں دے اوکھے نظام، کرپشن اتے ٹیکس توں ملنڑ آلی رقم حکمراناں دی شاہ خرچیاں تے خرچ تھیونڑ پاروں عام شہریاں دا ٹیکس نظام اتے ایف بی آرتوںا عتماد مکیے جیکوں بحال کرنڑ دی لوڑھ اے۔ اجلاس اچ وزیرِ خزانہ اسد عمر، وزیرِ مملکت برائے محصولات حماد اظہر، چیئرمین ایف بی آر جہانزیب خان اتے بئے سینئر افسران وی شرکت کیتی۔چیئرمین ایف بی آروزیرِ اعظم کوں پاکستانی شہریاں دی بیرون ملک جائیداداں دی نشاندہی اتے انہاں اثاثیاں تے ملکی قوانین دے تحت قابلِ وصول ٹیکس دی وصولی کیتے اقدامات بارے بریفنگ ڈتی جو مختلف ملکی ادارویاں ، غیر ممالک نال معاہدیاں ، معلومات دے مختلف ذرائع نال بیرون ملک اچ موجود اثاثیاں دی تفصیلات ملدیان پین جیندا جائزہ گھدا ویندا پئے، ایں سانگے قانون دے مطابق تیکھے کارروائی شروع کر ڈتی ویسی۔اجلاس اچ نان فائلرز اتے وڈی سطح تے ٹیکس بچاونڑ آلے افراد کوں ٹیکس دے دائرہ کاراچ رلاونڑ کیتے اقدامات بارے وی ڈسایا گیا۔اجلاس اچ ایف بی آردی جدید خطوط تے تنظیم نو،ٹیکس پرفارمنس مینجمنٹ سسٹم بارے جامع پلان تے وی بریف کیتا گئے۔
.jpg)
