اقتصادی تعاون تنظیم خطے اچ ترقی سانگے ودھ سارے پلیٹ فارم اچ تبدیل تھی گی ہے
اسلام آباد ۔ یکم مارچ (اے پی پی) قزاخستان دے وزیر اعظم باقیجان سگین تائف آکھیا جو اقتصادی تعاون تنظیم خطے اچ ترقی سانگے ودھ سارے پلیٹ فارم اچ تبدیل تھی گی ہے ،رکن ملکاں کوں مواصلات اتے بنیادی ڈھانچے دے منصوبیں دے علاوہ توانائی دی سلامتی تے وی توجہ ڈیونڑیں چاہیدی ہے ۔او بدھ کوں اتھاں وزیراعظم نواز شریف دی صدارت اچ تیرھویں ای سی او سربراہ اجلاس توں خطاب کریندے پے ہن ۔انہاں آکھیا جو اقتصادی تعاون تنظیم کوں مواصلات اتے انفرا سٹرکچر دے منصوبیں کوں ترجیح ڈیونڑیں چاہیدی ہے ۔انہاں آکھیا جو قزاخستان وڈے وڈے منصوبیں تے کم کریندا پیا ہے جیرھا جو ملک کوں یورپ دے نال نال چین دے ہک خطہ ہک روڈ پراجیکٹ دے نال جوڑ ڈیسی ۔ قزاخستان دے وزیراعظم خطے اچ توانائی دی سلامتی کو ںودھاونڑ دی ضرورت تے زور ڈتا ۔ ایں موقع تے انہاں ای سی او دے رکن ملکاں کوں اجوکے سال کرغزستان اچ تھیونڑ آلی سائنس ایکسپو اچ شرکت دی دعوت وی ڈتی۔
.jpg)
