اسلام آباد۔16اگست (اے پی پی) چیئرمین سینیٹ سید یوسف رضا گیلانی باجوڑ اچ امدادی کارروائیاں اچ مصروف ہیلی کاپٹر کوں پیش آوݨ آلے افسوس ناک حادثے اتے ایں اچ قیمتی جاناں دے ضیان تے ݙکھ اتے افسوس کیتے ۔ سینیٹ سیکرٹریٹ توں جاری آپݨے بیان اچ چیئرمین سینیٹ آکھیا جو آپݨی جان دی پرواہ کیتے بغیر اوکھے حالات اچ امدادی سرگرمیاں اچ حصہ گھنݨ آلے اہلکار ساݙی قوم دے اصل ہیروز ہن، جنہاں دیاں قربانیاں بھلݨ جوڳیاں کائنی انہاں آکھیا جو اے شہید آپݨے کردار اتے خدمت نال ہمیشہ یاد رہسن۔ سید یوسف رضا گیلانی ہیلی کاپٹر حادثے اچ شہید تھیوݨ آلے اہلکاراں دے لواحقین نال دلوں تعزیت اتے ہمدردی دا اظہار کریندیں آکھیا جو ݙکھے ویلھے سوگوار خانداناں دے نال برابر دے شریک اوں ۔ انہاں اللہ تعالیٰ دے حضور دعا منڳی جو شہیداں دے درجات بلند فرماوے اتے انہاں دے گھر آلیں کوں اے ݙکھ برداشت کرݨ دا حوصلہ اتے صبر ݙیوے۔
.jpg)
