تیانجن۔ 15 جولائی (اے پی پی) نائب وزیراعظم / وزیرخارجہ سینیٹر محمد اسحاق ڈار چین دے شہر تیانجن وچ شنگھائی تعاون تنظیم (ایس سی او) وزراء خارجہ کونسل دے اجلاس دے موقع تے ایران دے وزیر خارجہ سید عباس عراقچی نال ملاقات کیتی۔ ݙوہیں رہنماواں مختلف شعبیں وچ ݙوطرفہ تعاون دا جائزہ ڳھدا اتے ایران دے خلاف اڄوکے اسرائیلی جارحیت توں بعد ابھردی ہوئی علاقائی صورتحال تے تبادلہ خیال کیتا۔ ترجمان دفتر خارجہ موجب ، سینیٹر محمد اسحاق ڈارایں موقع تے ایران دے عوام اتے حکومت نال پاکستان دی غیر متزلزل یکجہتی اتے علاقائی امن اتے استحکام سانڳے پاکستان دے عزم دا اعادہ کیتا۔ انہاں ایں ڳالھ تے زور ݙتا جو کشیدگی وچ کمی اتے دیرپا امن سانگے مذاکرات اتے سفارت کاری ہی ہک واحد قابل عمل رستہ اے۔
