اسلام آباد۔27 جولائی (اے پی پی) وفاقی و??یر داخلہ محسن نقوی مظفر آباد اچ شہید میجر رب نواز دی رہائش گاہ تے ونڄ تے شہید میجر رب نواز دے والد، بھرا اتے ٻئے گھرآلیں نال ملاقات کیتی اتے انہاں دی شہادت تے تعزیت اتے اُچے درجات سانڳے دعا منڳی ۔ جاری بیان موجب وفاقی و??یر داخلہ محسن نقوی شہید میجر رب نواز دی بہادری اتے شجاعت کوں خراج عقیدت پیش کیتا۔ وزیر داخلہ محسن نقوی شہید میجر رب نواز دے والد اتے بھرا دے حوصلے اتے جذبے دی تعریف کیتی اتے آکھیا جو جیں قوم دے کنے تساں جیھے اُچے حوصلے آلے والد ہوون، اوں کوں دشمن شکست نی ݙے سڳدا۔ محسن نقوی آکھیا جو میجر رب نواز فتنہ الہندوستان دے دہشتگرداں دے خلاف بہادری نال لڑدے قیمتی جان وطن تے قربان کیتی، میجر رب نواز قوم دے ہیرو ہن اتے اساݙے دِلاں اچ ہمیشہ زندہ رہسن، شہیداں دے خاندان دے نال کھڑوں اتے ہمیشہ کھڑے رہسوں۔ محسن نقوی آکھیا جو شہداء اپݨی قیمتی رَت نال امن دی آبیاری کیتی اے اتے پوری قوم کوں شہیداں دیاں عظیم قربانیاں تے ماݨ اے۔ میجر رب نواز کجھ ݙینھ پہلے بلوچستان دے علاقے آواران اچ فتنہ الہندوستان دے دہشتگرداں دا بہادری نال مقابلہ کریندے جام شہادت نوش کیتا۔
.jpg)