اسلام آباد۔20ستمبر(اے پی پی)وزیراعظم عمران خان آکھیے جو حکومت ملکی معدنیات دے ذخائر توں فیدہ چاوݨ کیتے حکمتِ عملی ٻݨیدی پئی اے۔ او معدنی ترقیاتی پروگرام بارے ہک اعلی سطح اجلاس دی اڳواݨی کریندے پئے ہن جیندے اچ وفاقی وزراء حماد اظہر، اسد عمر، متعلقہ شعبے دے وفاقی اتے صوبائی اعلیٰ افسران شریک ہن۔ اجلاس اچ معدنی ترقیاتی پروگرام دے نکات اتے مجوزہ اقدامات دا ݙسایا ڳیا اتے شعبے دے مسلیاں تے الایا ڳیا جو ک??ویں قانونی و انتظامی ڈھانچے سودھا سرمایہ کاری دے مواقع ودھائے ونڄ سڳدن۔ اجلاس اچ چٹانی لوݨ، چونے دا پتھر، جپسم، ??ینی مٹی، سلیکا ریت اتے ٻیاں صنعتی معدنیات دے ذخائر دے استعمال تے ڳالھ مہاڑ تھئی۔ پاکستان اچ کروما??ٹ، تانبے، سونے، چاندی، لوہے، لیڈ اتے زنک دے دھاتی ذخائر تے بریفنگ ݙتی ڳئی۔ اجلاس کوں ݙسایا ڳیا جو ملک اچ سنگِ مرمر، گرینا??ٹ، ریت دے پتھر سودھا پکھراج، زمرد، روبی، ٹورمالین (ترمری) اتے ایکوامیرائن (نیلگوں بلور) جھیں قیمتی پتھر اتے کوئلے دے ذخائر موجود ہن۔ وزیرِ اعظم ہدایت کیتی جو معدنی شعبے دی ترقی دے پروگراماں کوں تیکھے حتمی شکل ݙتی ??نڄ?? تاں جو ملک اچ روزگار، زرمبادلہ دے ذخائر اتے سرمایہ کارے دے مواقع نکلن، پاکستان قدرتی وسائل نال مالا مال اے جیندے توں ودھ فیدہ چاوݨ حکومت دی اولین ترجیح اے۔
